خلطة بسيطة لنعومة جسمك...

الخلطة دى فظيعة للجسم بتدى نعومة وبياض وريحة اية تحفة للجسم ومرة فى مرة هتلاقى جسمك نور عموما هى بتقعد عندك حوالى شهر او اكتر يعنى اقتصادية عن كريمات الجسم اللى بنشتريها وكمان بتغنى عن الشاور طبعا دة غير فايدتها فى تنعيم الجسم المهم
المكونات
صابونة دوف مبشورة بمبشرة البصل القديمة عارفينها
نص كوب مية ورد
5 ملاعق زيت زيتون
5 ملاعق جلسرين سايل
1 عصير لمونة
الطريقة
انقعى الصابونة فى مية الورد طول الليل والصبح حطية على النار مع التقليب لغاية ماتلاقى الصابون زى الكريم ضيفى زيت الزيتون والجلسرين وقلبى مرة واطفى النار وبعدين ضيفى اللمونة وقلبى كويس وحطى الخليط فى برطمان زجاج
الاستخدام
ادهنى كل جسمك بالخلطة هتلاقيها زى الكريم البشرة بتشربها وسبيها اربع ساعات على جسمك ومتخفيش من الريحة الريحة المهم عند الاستحمام بلى الليفة بالمية وادعكى هتلاقى الجسم بيرغى جدا وبيطلع معاة الله ما يوريكى من البلاوى لغاية ماتخلصى الجسم كلة منطقة منطقة وبعدين ادخلى تحت الدوش ونزلى باقى الصابون وشوفوا بقى البياض واللمعان والنعومة
منقووو...وول

هى واضح من مكونتها انا حلوة انا هجربها بس لو جرالى حاجة
هقولك الله يسامحك
مشكورة ياقمر
نايس توبيك

وانا كمان هجربها
بس ابقوا اسالوا عليه والنبى
علشان لو جرالى حاجه
نايس توبيك ياسومه

لالالالا متقلقوش دى حلوة جربوا وهتدعولى وميرسى على الرد

ايه الجمااااااااااااااال دة
لا حلوووووووة
وان شاء الله هجربها قريبا
تسلم ايديكى يا سومة

ميرسى ياشعنونه على ردك وان شاء الله الوصفه تعجبك

توبيك جامد يا سومه
تسلم ايديكى يا جميل

ميرسى ياجميل انتى على ردك